Ensino en galego

2011-09-08T19:18:00.005+02:00

Tempos de tesoiras

Aínda que o video está feito pensado na Comunicade de Madrid, aquí en Galicia non nos quedamos atrás. As prioridades do noso goberno está visto que non pasan nin pola Educación nin pola Sanidade.

2011-06-30T09:59:00.002+02:00

utilidad.com

Hoxe queremos facervos unha recomendación moi interesante:

"utilidad.com" é un proxecto internacional con portais nas diferentes linguas. As páxinas conteñen artigos breves que pretenden ser de utilidade (adoitan explicar como se fan determinadas cousas, dende trámites económicos ou universitarios ata como facer unha horta na casa). Además da versión para España e América Latina podemos visitar a versión matriz alemana, a versión para Francia e África, a versión para Inglaterra, Estados Unidos, India e Australia; e por último a versión para Polonia.

2011-01-28T22:17:00.002+01:00

Por un bo día da Paz

E aviso que Coca-Cola non patrocina este blog.

2011-01-21T00:53:00.003+01:00

Algúns recursos para traballar o Día da Paz

Unha webquest para o 3º Ciclo:

http://www.zunal.com/process.php?w=84600

Tres sinxelas webquests:

- primeiro ciclo http://phpwebquest.org/wq25/webquest/soporte_derecha_w.php?id_actividad=89968&id_pagina=1

- segundo ciclo http://phpwebquest.org/wq25/webquest/soporte_derecha_w.php?id_actividad=89967&id_pagina=1

- terceiro ciclo http://phpwebquest.org/wq25/webquest/soporte_derecha_w.php?id_actividad=42179&id_pagina=1

Un LIM en galego, castelán e inglés (de Belén Junquera):

http://dl.dropbox.com/u/4518185/paz/paz.html

Xogo para un xogador feito con “Xogamos?”: http://www.edu.xunta.es/contidos/premios/p2007/proxecto_xogamos/exemplos/paz.html

Dous lim máis:

http://dl.dropbox.com/u/14722558/PAZ/paz.html

http://chiscos.net/almacen/lim/o_castelo__de_area/o_castelo__de_area.html

Xogos para a paz:

http://www.rinconsolidario.org/palabrasamigas/pa/paz/juegopaz.htm#

Constructores de paz (da páxina de Unicef):

http://www.unicef.org.co/kids/constructores.htm

“El color de mi piel” conto e actividades con LIM:

http://www.chiscos.net/almacen/lim/paula_paz11/paula_paz1.html

Abecedario da Paz (LIM):

http://www.chiscos.net/almacen/lim/a_paz/a_paz.html

2010-02-25T00:54:00.003+01:00

Ligazóns

Fran Macías acaba de sacar unha nova actualización do Edilim (Versión 3.25). Non inclúe novos tipos de páxinas. É máis ben unha corrección de pequenos erros, e melloras que xa iredes comprobando.

Aproveito o post para lembrar novas e vellas recomendacións:

Recopilación de materiais do CEP de Córdoba.

Descubre Galicia (Galicia en 360 grados) .

Sempre en Galiza (Almacén da música galega):

Flocos TV (Videos de animacións e curtas en galego):

Recursos para Orientación e PT.

Fichas para imprimir.

Enciclopedia para Infantil.

Arasaac (Galería de pictogramas en cor ou branco e negro):

2010-01-06T00:24:00.002+01:00

Tan só nos queda o humor

... e unha boa reflexión de Débora Campos. ... e unha carta aberta de Xabier P. Docampo .

2009-12-13T19:53:00.002+01:00

DiGaTIC

Xa está dispoñible na rede o Dicionario galego das Tecnoloxías da Información (DiGaTIC)desenvolvido pola Asociación de Enxeñeiros de Telecomunicacións de Galicia co financiamento da Consellaría de Innovación e Industria da Xunta de Galicia. Facilita a consulta dun amplo léxico técnico en galego.

2009-12-01T17:57:00.001+01:00

Que é Agrega?

Contenidos digitales educativos from Agrega Contenidos Educativos on Vimeo.

2009-11-25T16:08:00.004+01:00

Galego para docentes

Pechei o dominio antonvicente.es e agora toda a web está nunha nova ubicación grazas aos compeñeiros do CEFORE de Pontevedra. Actualicei algún dos contidos pero se atopades cousas que non vaian avisade para mellorar esta base de datos con ferramentas e recursos que temos en galego.

Pinchade na imaxe para ver o novo enderezo.

2009-08-23T15:57:00.008+02:00

Galiñaescolas

Tiñamos logo pero agora tamén himno.

E para escoitar o tema enteiro:
La Galinha Azul - The Blue Birds

2009-08-20T19:31:00.001+02:00

O que hai

Do máis elocuente...

2009-04-25T19:12:00.002+02:00

13 Rue del Percebe

Acabo de facer unha presentación sobre este singular edificio. Queda moito que dicir, así que cando teña un tempo igual fago unha segunda parte ou amplio esta.

13 Rue Del Percebe

View more presentations from anegado.

2009-03-21T16:40:00.003+01:00

Temos xa 5 anos

No mes de marzo de 2004 empezaba este blog con novas sobre as TICs e o galego. Desde aquela pasaron moitas cousas (ou non demasiadas, depende do punto de vista e as expectativas de cadaquén). Como estamos de aniversario hai que celebralo cun anaquiño de torta.

2009-02-23T15:34:00.002+01:00

loloKarolo

Chega o loloKarolo: unha ferramenta de escoita multilingüe baseada na creación de karaokes. Unha boa iniciativa do portal de contidos educativos da Xunta que inclúe un editor para que poidamos subir os nosos arquivos sonoros en mp3 e así poder traballar con eles.

2009-02-08T17:42:00.005+01:00

A fala

Hoxe máis que nunca é un bo momento para escoitar este poema de Manuel María na voz de Roi Casal.

O idioma é a chave
coa que abrimos o mundo:
o salouco máis feble,
o pensar máis profundo.

O idioma é a vida,
o coitelo da dor,
o marmurio do vento,
a palabra de amor.

O idioma é o tempo,
é a voz dos avós
e ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

O idioma é a forza
que nos xungue e sostén.
Se perdemos a fala
non seremos ninguén!

O idioma é o amor,
o latexo, a verdade,
a fonte da que agroma
a máis forte irmandade.

Renunciar ao idioma
é ser mudo e morrer.
precisamos a lingua
se queremos vencer!

A fala - Manuel María

Grazas a A. Ferrer e á súa blog Mil primaveiras máis.

2009-02-07T20:25:00.002+01:00

Primewares

O Freeware World Team (a base de datos con programas freeware que funcionan baixo windows) muda de nome e enderezo: agora somos PRIMEWARES e o enderezo é moito máis sinxelo que o anterior: http://www.primewares.com . De momento non todo vai ao 100% pero imos polo bo camiño. Lembra que contamos xa con 337 programas freeware en galego nesta base de datos de máis de 36 mil programas.

2009-01-27T21:29:00.014+01:00

Imaxes Interactivas

Na interesante e recomendable páxina da redeTIC acaban de publicar a web de Imaxes Interactivas pola que cos Compañeiros Fran Macías e Felo Couto conseguimos o 1º Premio das Ferramentas de Autor na Convocatoria dos Premios da Sociedade da Información 2008. Podedes descargar o editor para Windows ou linux ou traballar cos exemplos que fixemos.

2009-01-19T22:52:00.002+01:00

Día da Paz

Nestes momentos difíciles para o Pobo Palestino e a dez días do Día da Paz lémbroche o xogo que fixeramos o ano pasado dentro do Proxecto Xogamos. Podedes xogar directamente desde este blog ou clicando aquí.

2008-12-28T17:57:00.002+01:00

Actividade Lúdica con LIM

Ademáis de todo o potencial que ten LIM para crear paquetes de actividades educativas, tamén podemos realizar xogos de caracter esencialmente lúdico ou puros divertimentos. Nesta ocasión, fedellando co tipo de actividade "Mover imaxes" fixen este paquete no que seguindo as regras da brisca tes que gañar cada man.... Sorte!.

2008-12-19T13:05:00.004+01:00

Premios a recursos educativos para a sociedade da información 2008

No DOG de hoxe venres saiu publicada a orde de concesión dos premios a recursos educativos para a sociedade da información 2008. Entre os premiados hai docentes moi coñecidos neste campo como Manuel Morán e outros menos. Agardemos a que no portal de contidos poñan pronto algunha ligazón para aos diferentes recursos para empezar a utilizalos nas nosas aulas. Pola nosa banda este ano repetimos Fran Macías, Felo Couto e eu coa ferramenta de autor "Imaxes Interactivas". Cando esté publicada falaremos máis dela.

Lista completa de premiados:

Modalidade A - Ferramentas de autor:

1º Premio: Imaxes Interactivas

Modalidade B - Materiais curriculares web e para encerado dixital:

1º Premio: Viaxe ás estrelas
2º Premio: Curso I.A.I.
3º Premio: Recursos educativos para encerado dixital ESO e bachillerato
3º Premio: Pintores que molan
3º Premio: O blog de tecnoloxía: cara un modelo colaborativo

Modalidade C - Galerías de imaxes e vídeos didácticos:

1º Premio: Guias varias: uso do vídeo na educ. viaria
2º Premio: Olladas sobre Ramón Piñeiro
3º Premio: Obradoiro de tecnoloxía
3º Premio: Xesús María Álvarez Vázquez: un erudito completo

Modalidade D - Aplicacións de software libre:

1º Premio: Max web, unha interface web para o Programa Maxima
2º Premio: Bolsa de traballo no IES de Teis
3º Premio: Dynpres

2008-12-18T10:30:00.010+01:00

A ratiña Lola

Despois de que ninguén das distintas consellerías se interesase por ese sensacional xogo para nenos e nenas de 0-3 anos en galego do que fixeran hai uns anos unha campaña por todo o alto con reparto masivo de CDs e unha web que ninguén se lembrou de renovar, un blogueiro de pro "Opaco" colgou de novo a web "Cativadas" no seu blog para que nenos, pais e mestres poidamos continuar utilizándoo vía web nos nosos centros ou fogares.

Ah... por se alguén se quedou sen o CD no seu momento pode descargar todo o xogo desde esta ligazón: cativadas.zip

2008-12-17T16:30:00.007+01:00

LIM e Ardora no Platega

Podemos ler na magnífica e en certo modo descoñecida páxina da REDETIC o anuncio do prazo de inscrición de dous novos cursos a distancia moi relacionados coas NNTT e o galego. O anuncio é o seguinte:

"A partires do próximo mes de febreiro poñeranse en marcha dous novos cursos de formación a distancia en PLATEGa. Os cursos están relacionados coas ferramentas de autor LIM e Ardora. Para inscribirse nas actividades premer no enderezo http://www.edu.xunta.es/fprof e buscar estas referencias:

* X0804047 - LIM e o proxecto Xogamos? Aplicación didáctica
* X0804048 - Creación de actividades en liña con Ardora. Uso didáctico
Data límite de inscrición nas actividades ata o próximo día 9 de xaneiro"

Ambos cursos están deseñados para 50 alumnos e constan dun total de 30 horas . A temporalización do mesmo é do 02/02/2009 ao 15/05/2009 .

2008-12-15T20:57:00.004+01:00

A escola das Areas

Grazas a un post de Paco Díaz na sempre recomendable GalegoXDocentes descubro esta curta de gran calidade e utilidade para a promoción do ensino en galego, que falta fai nestes tempos revoltos para a lingua.
É unha animación en plastilina, baseada nun texto de Frai Martín Sarmiento. Frei Martín Sarmiento vén a Pontevedra para buscar un remedio para a variola. Alí discute cun mestre sobre a necesidade de lles ensinar aos nenos o galego. Para demostrar a súa tese en favor do noso idioma, Sarmiento aposta que pode ensinarlle a un rapaz, Alfonsiño, a ler e escribir en tres días co seu propio método educativo.

2008-12-15T20:23:00.003+01:00

Goear

Hoxendía de todas as posibilidades de montar un podcast (blog con son) a mellor opción é o Goear xa que me permite engadir a música que queira simplemente pegando o código que me ofrece a web de xeito similar ao youtube, pero tamén se me rexistro gratuitamente podo subir os meus propios arquivos de son en mp3 e colgalos na web ou blog. O substituto perfecto das xa antigas radios escolares.
Como exemplo déixovos á miña sobriña Carmen recitando de memoria e en castelán os lindes de España como se facía hai cincuenta anos (ten catro anos e aínda non sabe ler). Que ninguén se asuste... o obxectivo de este recital é unha obra de teatro que fan no seu cole no festival de Fin do Primeiro Trimestre.

2008-12-08T17:49:00.003+01:00

Format Factory en galego

Xa está incluida na nova versión de Format Factory (a 1.65) a traducción que fixen recentemente ao galego. Para quen aínda non o coñezades, este completo programa gratuito permite a conversión de todo tipo de formatos: video ( MP4, AVI, 3GP, MPG, FLV e MOV); imaxe (JPG, BMP, PNG, TIF e ICO), audio (MP3, OGG, WMA, M4A e WAV) ademáis de moitas outras posibilidades. Permite tamén ripear películas que se atopen en DVD, reparar arquivos de vídeo e audio que se atopen danados, ou reducir o tamaño dos arquivos multimedia.

2008-11-01T19:55:00.009+01:00

Integración de LIM nun blog

Unha das dúbidas máis frecuentes sobre LIM é como integrar unha actividade nunha páxina web. O primeiro que temos que facer é subir o paquete lim a un espazo web, e logo poñer no blog o código facendo referencia á páxina web onde está a actividade. No blog Apuntes sobre blogs podedes obter toda a información sobre o tema. Abaixo tedes un exemplo con instruccións para integrar unha actividade LIM nunha web:

2008-10-23T16:23:00.008+02:00

Chega o magosto

Na última remodelación de Edugaliza retiramos contidos xa un pouco caducos, entre eles o hotpotatoes "Estamos de magosto". Como recibín algún que outro correo preguntando por actividades nel incluidas, pásovos a lectura que fixera (hai case dez anos) para traballar o tema.

2008-10-21T18:44:00.003+02:00

Un Día para Uxío

Van xa nove anos dende que Uxío nos deixara naquel triste 30 de outubro. A piques dese décimo aniversario é un bo momento para unirnos e pedir a homenaxe que se merece para ese 17 de maio do 2010.

2008-06-14T13:35:00.007+02:00

Tecnoloxía ou metodoloxía?

Un video que invita á reflexión. Persoalmente estou totalmente de acordo coa mensaxe do mesmo. Grazas Luís pola achádega.

2008-06-09T23:47:00.004+02:00

O mundo do circo

Acabo de rematar un pequeno xogo co Proxecto xogamos? para traballar as distintas profesións artísticas do mundo do circo. De momento tan só é para un xogador pero prometo nuns días facer unha versión para dous. A novidade con respecto a anteriores actividades feitas con este editor está en que nesta ocasión está baseado en videos en vez de imaxes, polo que se a vosa velocidade de acceso a internet non é boa deberedes agardar un anaco para poder velo.

2008-05-10T19:48:00.007+02:00

Letras galegas 2008

Empezamos a Semana das Letras Galegas 2008. Supoño que todos teremos xa traballado diferentes aspectos de Xosé María Álvarez Blázquez en función das edades dos nosos alumnos e alumnas. Para os que queirades comprobar os coñecementos adquiridos sobre o autor, aí vos deixo un xogo feito co "Proxecto Xogamos?" pensado para o terceiro ciclo de primaria ou a ESO.

Algunhas webs con información sobre o autor e que utilicei para poder realizar o xogo son:

Na galipedia
Páxina da Real Academia Galega
17 de maio.org
Día das Letras galegas en Galicia Dixital
O Seminario Galán (Imprescindible)
Páxina web de Celso Alvarez Cáccamo (con moitos textos e materiais audiovisuais do autor)

Comproba aquí os teus coñecementos sobre o autor neste xogo (para dous xogadores):

2008-04-06T14:45:00.005+02:00

PLAMBE 2008

Este xoves e venres celebrouse en Sanxenxo os terceiros encontros do PLAMBE (Plan de Mellora das Bibliotecas Escolares de Galicia). Aínda que desde sempre fun membro do equipo da Biblioteca escolar nunca asistín ás xornadas pois non desempeñei o cargo de coordinador. Este ano por mor dunha baixa sí tiven a sorte de ir. A organización está coidada ata o máis mínimo detalle, o lugar impecable, os ponentes do bo o mellor,... Parabéns a Pilar e Cristina. Nótase que non só son funcionarias senón que cren firmemente no que traballan. Algunhas notas do moito que se dixo:

A informática e particularmente internet van unidas á Bilioteca Escolar e vaise incrementar aínda máis esta unión no futuro. Hai que abordar xa con seriedade a Alfin (Alfabetización Informacional).
A fenda dixital podemos extendela aos campos lingüístico, social, xeográfico,..
Unha clara diferenciación entre Información e Coñecemento.
O bibliotecario de este século XXI debe conxugar os ámbitos de educador, mediador e xestor.
Manuel Bragado introduciunos no concepto de literacidade (cultura escrita) e máis concretamente na literacidade electrónica (lectura e escritura sobre pantallas). É importante educar nunha literacidade crítica ou informativa que nos permita buscar, atopar, avaliar e manexar datos en Internet. A lectura electrónica require un lector mellor formado e máis crítico.
Os blogs entendidos como identidades individuais dixitais de dominio público teñen gran importancia como acceso á creación literaria inédita no eido educativo ou para mellorar a comunicación autor-lector. A tendencia actual é a reducirse notablemente o número de blogs debido ao auxe das redes sociais.
Villar Arellano aclarounos máis o concepto de Alfin xa recoñecido pola UNESCO ou OCDE definíndoa como a "a capacidade básica de todas as persoas de desenvolverse con igualdade na Sociedade da Información", o que orixinou unha nova cultura, novas formas de aprender, e por conseguinte... Unha Nova Escola.
Nesta concepción pasamos dunha "biblioteca auxiliar" a un "liderazgo pedagóxico"; un novo ámbito educativo dinámico, máis que un xestor de recursos; unha parte integrante do currículo máis que un simple complemento; e finalmente: un entorno para a formación, máis que un depósito de información.
Entre os principais obxectivos que debe perseguir a Biblioteca Escolar sinalamos: ofrecer materiais (e elaboralos); facilitar o acceso á información; orientar, formar e informar; promocionar a lectura e o acceso á cultura. En definitiva: sustentar un novo modo de coñecer e aprender.
Toda Biblioteca Escolar debería desempeñar as seguintes funcións: Democratizadora (igualdade de oportunidades educativas e culturais); documental; alfabetizadora (aporta recursos para a aprendizaxe permanente e a ALFIN); socializadora; e un entorno de comunicación multimedia.
"O home está na beira dun inmenso mar, non de auga senón de información" (Villar Arellano).
José Manuel Luque defendeu que "a biblioteca non pode ser un servicio complementario do centro".
Unha boa práctica sería a de publicitar todos os recursos dos que dispón a Bilioteca Escolar para cada ´"Día D" (Paz, Magosto, entroido, amios,...); dar a coñecer entre o propio profesorado os recursos electróncios do centro: blogs, páxina web,...; creación de grupos de lectores-escritores; importancia de ter unha zona telemática definida onde poidamos acceder á información de internet.
Conxugaremos dúas novas competencias: a educacional coa tecnolóxica.
Luque retounos a crear nas nosas webs unha base de datos cos recursos informativos e formativos ben organizada (unha posibilidade é facelo seguindo os criterios da CDU).
Laura Borrás Castanyer introduciu o termo de "Infoxicación", un neoloxismo de Cornellá que combina información con intoxicación na xestión e dixestión do alud informativo dos nosos días.
O hipertexto e o traballo en rede constitúen as formas discursivas propias da ensinanza virtual da literatura dende un paradigma comparativista.
"Un bo lector é un relector" (Nabokov).
Entre as moitas cousas das que nos falou Gonzalo Moure paréceme interesante esa experiencia dun instituto de que cada membro do centro escribise nunha pegada o libro que máis significou nas súas vidas. Unha boa forma de coñecer a cadaquén.
"Se non les non pasa nada..., pero se les si que pasa" (Gonzalo Moure)

Tamén saquei algunha foto do evento. Deica outra!!!.

2008-03-25T00:24:00.004+01:00

III Encontro de Edublogs

No blog de Carlos Santos enteirámonos que o III Encontro de Edublogs a nivel estatal se celebrará este ano en Santiago os días 3, 4 e 5 de xullo. Como o número de blogs no ensino en Galicia medra de xeito exponencial imos ter que pelexarnos para coller unha praza. Oxalá sexa un éxito.

2008-02-23T11:49:00.003+01:00

Accesibilidade web

Os compañeiros de TADEGA brindáronos este sábado en Pontevedra unha interesante ponencia sobre a Accesibilidade Web. Estou comprobando que esta bitácora non obtén o aprobado. Intenterei mellorar.

Para os que queirades comprobar que tal estades de accesibilidade podedes ir a:

TAW.
eXaminator.

2008-02-06T23:44:00.000+01:00

Drawing for Children 2.2

O 26 de decembro pasado, Mark Overmars sacou unha nova versión (a 2.2) do Drawing for Children que inclúe pequenos pero útiles cambios coma a posibilidade de ter distintos tamaños para os debuxos, cargar arquivos jpg ou un completo formulario de configuración que nos permite personalizar o programa en función das características dos nosos alumnos.
Fixen un parche coa traducción ao galego do mesmo, no que incluín os novos módulos de "Imaxes Vectoriais" que fixera hai un par de meses.

2008-02-05T00:18:00.000+01:00

Xogos Pregunta-Resposta

A pesares do compoñente conductista que poida ter este tipo de actividades, sen dúbida poden ser utilizadas axeitadamente polo mestre cos seus alumnos aproveitando o seu caracter lúdico e motivador. Son tres xogos que fixen recentemente co software do "Proxecto Xogamos?" recentemente premiado pola Consellería de Educación.

Nature Trail (1 xogador) :
Trátase dun programa para un xogador no que terá que amosar o vocabulario que posúe en inglés sobre termos relacionados coa natureza. Utilizamos para elo fotos do noso colexio, moi sensibilizado polo Medio Ambiente. Con cada pregunta acertada, a rá dará un salto. Gañamos cando non quedan rochas a saltar e a rá ten que meterse na lagoa. Pensada para alumnos do 3º Ciclo de Primaria. Ten son. As preguntas e fotos das mesmas foron elaboradas por unha compañeira do colexio: Teresa Fariña.
Nature Trail (2 xogadores) :
É o mesmo xogo anterior pero pensado para competir entre 2 xogadores. Aquí unha rá amarela e unha rá verde compiten para ver quen é quen de saír da lagoa e comer unha mosca que está situada fóra. As preguntas son as mesmas da aplicación anterior (polo tanto en inglés e relacionadas coa natureza). Está pensada para alumnos do 3º Ciclo de Primaria. Ten son.
O nome das cousas (1 xogador) :
Dora a Exploradora quere chegar xunto ao seu amigo Botas e para elo ten que acertar cinco preguntas correctamente sobre a letra na que comezan unha serie de obxectos cotiás. Está pensado para alumnos e alumnas de Infantil de 5 anos ou 1º de Primaria onde os nenos están iniciándose na lectura. Moi recomendable aplicar coa PDI (Pizarra Dixital Interactiva) para o cal o panel coas respostas está situado na parte inferior da pantalla para que os nenos poidan chegar facilmente.

2008-01-21T23:07:00.002+01:00

Don Emilio Calatayud en Pontevedra

O vindeiro mércores 30 de xaneiro estará en Pontevedra Don Emilio Calatayud, Xuíz de Menores do Xulgado nº 1 de Granada. Todos coñecemos as súas contundentes e clarificadoras opinións sobre a situación actual do mundo educativo grazas ao YouTube e algúns programas da tele. A conferencia está dirixida ás familias e profesorado. Ás 19,30 do mesmo día dará outra conferencia en Vigo.

Lembrade:

Data: Mércores, 30 de xaneiro, ás 17.00 horas

Lugar: Salón de Conferencias da Fundación Caixagalicia.

2008-01-20T21:58:00.000+01:00

Mortadelo e Filemón cumpren 50 anos

Hoxe 20 de xaneiro, cúmprense 50 anos da publicación no número 1934 da revista Pulgarcito da primeira aventura de estos dous entrañables personaxes co título xenérico de "Mortadelo e Filemón, axencia de información". Grazas Ibáñez por tantos anos de bo facer e por entreter a xeracións e xeracións de nenos e adultos.
Para os apaixoados do mundo do cómic podedes comprobar cando lembrades destes e outros personaxes neste novo xogo do proxecto "Xogamos?". Tamén podedes crear os vosos propios tebeos co programa Comic Life.

2008-01-09T21:21:00.000+01:00

Recurso para a Paz

Mentres a Igrexa condicione totalmente o calendario laboral dun Estado aconfesional coma o noso ocorrerán aberracións como a temperá Semana Santa de este ano ou a coincidencia no tempo do Día da Paz co Antroido.
Para quen non teña moito tempo para buscar recursos para traballar a Paz na aula, recoméndovos un xogo de preguntas-respostas que fixen co Xogamos?: Vai estalar a Paz!: Para 1 xogador. Xogo para traballar o Día da Paz respostando preguntas sobre a Paz no Mundo. Utilízase o simil da última bomba da que non sae terror e destrución senón unha pomba. Todas as preguntas permítennos navegar pola rede para ampliar coñecementos.

Tamén inclúo un listado de ligazóns que me pasou o amigo Luís:

ENLACES PARA A PAZ

http://www.sgep.org/modules/news
http://www.contosolidarios.org/contosolidarios.htm
http://es.youtube.com/watch?v=nFn6e3k7_ho
http://es.youtube.com/watch?v=jEOkxRLzBf0
http://es.youtube.com/watch?v=I-NRriHlLUk
http://es.youtube.com/watch?v=zq2Xy15UOmM
http://es.youtube.com/watch?v=t5zWfADKgGk
http://www.educacionparalapaz.org.co/recursos.htm
http://www.edualter.org
http://sapiens.ya.com/nbdorrio/recursos/paz.htm

ENGLISH

http://www.internationaldayofpeace.org
http://www.worldpeace.org/peaceday.html
http://en.wikipedia.org/wiki/International_Day_of_Peace
http://www.teacherplanet.com/resource/peaceday.php
http://www.worldpeaceday.com
http://www.internationaldayofpeace.org/peaceday/austria/index.htm
http://www.un.org

COLORING PAGES

http://www.coloringcastle.com/peace_coloring_pages.html
http://coloringpictures.blogspot.com/2007/01/coloring-peace-day.html

2007-12-22T15:40:00.000+01:00

Proxecto XOGAMOS?

Pois sí. A Xunta xa colgou os traballos recentemente premiados nos "Recursos educativos para a Sociedade da Información 2007". Entre eles temos o "Proxecto XOGAMOS?":

Baixo o nome de Xogamos? agrúpanse unha serie de recursos informáticos adicados á elaboración e utilización de xogos de pregunta-resposta.

As ferramentas que inclúe para a creación de xogos son:

EdiPre: editor de preguntas. Programa informático para contornas windows e linux.
DEX: DEseño de Xogos. Aplicación para a construcción das interfaces gráficas dos xogos. Válida para contornas windows, linux , mac e Internet.
E por último Xoga é un script en flash que permite a utilización dos xogos en diversos sistemas operativos ademáis de Internet.

As potencialidades da ferramenta son moitas, pero como mostra podedes ver algúns dos exemplos que incluimos.

2007-12-18T21:02:00.000+01:00

Premios a Recursos educativos para a Sociedade da Información

No DOG de hoxe saeu publicada a resolución dos Premios a Recursos educativos para a Sociedade da Información en catro categorías: A.- Ferramentas de Autor; B.- Materiais curriculares web; C.- Galerías de imaxes e videos didácticos; e D.- Aplicacións de software libre. Recoñecéronse por fin traballos moi interesantes coma o Shell Traducíndote ou o Galinux-Slax. Sen embargo a maioría dos traballos e autores son totalmente descoñecidos para mín. Pola miña banda e a dos compañeiros Fran e Felo as máis sinceiras grazas polo premio ao Proxecto "Xogamos?".

2007-12-09T17:16:00.000+01:00

Módulo para o Drawing for Children

Esta semana fixen un módulo co que podedes engadir máis imaxes vectoriais ao Drawing for Children (un dos apartados máis incompletos de este programa de debuxo). Tede en conta que se previamente variáchedes a ruta de instalación do programa C:\Archivos de programa\Drawing for Children , tamén tedes que variar a ruta de instalación do módulo pois en realidade é un parche que debe instalarse no mesmo lugar que o programa orixinal.
Os novos sete temas de imaxes vectoriais que incluín son: Billetes de euro, o Nadal, os Alimentos, o Verán, Flores, Celebracións e un novo cartafol de Animais.

2007-12-09T17:11:00.000+01:00

Nova web

O mes pasado con motivo dunhas ponencias que me encargou o Cefore de Pontevedra sobre "Software educativo en galego" fixen unha web na que pretendín dar unha panorámica do moito (aínda que nunca suficiente) que temos na nosa lingua. Incluín nela tres tipos de materiais: ferramentas coas que os docentes podemos crear os nosos propios recursos, recursos educativos xa creados e listos para ser utilizados na aula, e por último ligazóns a páxinas interesantes para a nosa laboura como docentes. Por se a alguén lle pode ser de utilidade aí queda.

2007-11-09T00:19:00.000+01:00

4 pingas de país

Cando parece que está todo inventado e as actividades formativas das distintas entidades son unhas un calco das outras, vemos con sorpresa un novo formato en tan só catro xornadas: "Catro pingas de país: Foro da Ciencia e Cultura en Galicia". Conferencias e foros a cargo de Isaac Díaz Pardo, Uxía Blanco, Betty Mireya Leon Fing e Marilar Aleixandre. Parabéns, Paco e oxalá a iniciativa teña continuidade noutros anos, que quedan moitas máis pingas coas que poidas deleitarnos.

2007-10-03T21:58:00.000+02:00

Mapas

Xa está Mapas subido a Edugaliza. Con pouco traballo podemos logar uns resultados do máis aparentes, así que tan só tedes que descargalo e facer algunha actividade para as vosas clases. Se tedes dúbidas podedes recurrir á páxina de Edugaliza, a Fran Macías (o autor da utilidade) ou aquí mesmo.

Hoxe, para a clase de Coñecemento do Medio de mañá fixen unha imaxe ineractiva moi sinxela cos nomes en galego das principais partes do corpo que podemos explorar nun neno e nunha nena. Está en maiúsculas e non inclúe sons de momento.

2007-10-02T15:58:00.000+02:00

Os medios de transporte

Sigo fedellando co Mapas e agora fixen unha pequena actividade para traballar os medios de transporte e elementos dunha rúa en inglés incluíndo un video en cada palabra. Recoñezo que neste caso os videos non están moi xustificados pero sí poden ser de utilidade noutros casos.

2007-09-29T20:00:00.000+02:00

Animais da granxa

Coa aplicación flash de Fran Macías "Mapas" fixen esta tarde de cans unha imaxe interactiva pensada para que os máis pequenos traballen o nome e localicen os animais da granxa, escoiten os seus sons, e aprendan sobre a súa utilidade para o home. Os textos están en maiúsculas . A pizarra dixital interactiva pode ser un excelente complemento a esta aplicación.

2007-09-26T00:29:00.000+02:00

Símbolos de Galicia

Despois de facer actividades ailladas co Edilim de Fran Macías en diferentes ocasións, por fín me decidín a rematar un libro completo: "Símbolos de Galicia: localización , a bandeira, o escudo, o hino".
Ao tema xa lle tiña gañas desde hai tempo, a pesares de ter feito algo de xeito tanxencial en Etnonet 2.0 .

Por se a alguén lle serve nalgún momento, déixoa colgada na web do meu centro.

2007-09-22T11:39:00.000+02:00

Xornadas de bibliotecas escolares de Galicia 2007

Baixo o título: "Ler ao dereito. O dereito a ler" celebrarase o 19 e 20 de outubro no Pazo de Congresos de Santiago as "Xornadas de bibliotecas escolares de Galicia 2007". Intervirán entre outros: Carlo Frabetti, Mónica Baró, Pilar Pérez Esteve, José Luis Polanco, Julián Pascual e a clausura de Suso de Toro. Podedes consultar o programa completo aquí. A inscrición pode facerse ata o 1 de outubro en www.edu.xunta.es/fprof .

2007-09-05T23:44:00.000+02:00

Ú-lo acordo?

A Consellería de Educación está desaparecida como cada inicio de curso. O 8 de xuño chegou a un acordo con todas as organizacións sindicais para modificar os cadros de persoal e reducir o horario lectivo do profesorado de Educación Infantil e Primaria. En dito acordo sinalábase que: "O horario lectivo reducirase de 25 a 21 horas lectivas e o horario fixo de permanencia semanal de 30 a 25 horas" . Un pouco máis abaixo continuaba: "O horario fixo de permanencia semanal será de aplicación a partir do inicio do curso académico 2007/08". Pois agora a Consellería non dí nada e os inspectores/as non oiron falar de tal acordo. Agardemos acontecementos pero o tema pinta mal.

Máis que Consellería de Educación parece unha Consellería de Improvisación.

Para saber máis do tema:

Texto íntegro do acordo.
Reclamación da CIG-Ensino.
Folleto dos sindicatos que venderon ser os artífices destas melloras e agora non din nada nas súas webs sobre o primeiro dos incumprimentos.

2007-07-30T13:46:00.000+02:00

Inforensino 2007

Agora que nos atopamos no ecuador das vacacións podemos botar unha ollada ás posibilidades formativas que cada ano diferentes entidades nos presentan para o mes de setembro. Sinalo tres bos exemplos:
- As Semanas de Educación que anualmente convoca a CIG-Ensino e a AS-PG con interesantes obradoiros e ponencias nas principais cidades de Galicia.
- O IV Congreso Internacional de Educared en Madrid, para os máis viaxeiros.
- A VII edición de Inforensino en Lugo o 14, 15 e 16 de setembro (despois de dous ou tres anos sen celebrarse) con diferentes propostas galegas e do resto do Estado, a maioría delas centradas no Software Libre. Podedes consultar aquí o programa.

2007-07-05T16:53:00.000+02:00

De vacacións

Xa estamos de vacacións. O tempo non acompaña pero haberá que aproveitar as múltiples posibilidades que se nos presentan. Saúdos a todas e todos.

2007-05-18T21:43:00.000+02:00

Comparacións odiosas

Un compañeiro mestre acábame de pasar esta ligazón que invita a reflexionar seriamente e deixarnos de tanta demagoxia cos informes PISA e outros similares da OCDE sobre o fracaso escolar español en comparación co éxito finlandés, sen atender a outras variables que non sexan o profesorado. Hai moito mito que derrubar: horas de docencia, soldos, investimentos,...

2007-05-08T23:23:00.000+02:00

Finalistas nos I Premios edublogs

Cinco blogs educativos galegos resultaron finalistas nos I premios espiral edublogs en diferentes categorías:

Blogs de centro:

Guía de Información académica e Profesional (do IES García Barbón)
Caderno de bitácora. IES Isaac Díaz Pardo (do IES de Sada)

Blogs colectivos:

Blogs dos Grupos de Traballo do IES García Barbón (IES García Barbón)
A Nosa Biblioteca 3.0 ( blog da biblioteca do IES As Mariñas en Betanzos)

Blogs de aula:

O Redactor dixital (do CEIP O Piñeiriño en Vilagarcía de Arousa)

O próximo domingo 13 de maio fallaranse os premios de este I Premio Espiral Edublogs. Desde o 27 de febreiro foron sucedéndose as propostas ás diferentes candidaturas con un total de 179 edublogs. A proclamación e entrega dos mesmos será na Xornada Espiral o 8 e 9 de xuño.

Sorte a todos!

2007-05-04T01:10:00.000+02:00

A Piñón fixo

A Consellería amosa unha vez máis a súa falta de talante e ameaza tras valorar a contundente resposta do profesorado con : "Tras analizar estes datos, o equipo da Consellería de Educación entende que o acordo asinado coas organizacións sindicais que representan a maioría do profesorado é o camiño que debe seguir a Administración educativa a partir deste momento" en Xornal.com.

Nós, con máis sentido do humor a pesares do que se nos aveciña cantámoslle .

E se non puideches ir podes vernos aquí.

2007-05-03T20:17:00.000+02:00

Fotos da folga

Hoxe manifestámonos civicamente en Santiago loitando polos nosos dereitos. Se non puideches estar podes ver aquí algunha foto.

2007-05-03T18:33:00.000+02:00

Xuño do 2008 - 14,20 horas

Un amigo mandoume unha foto de como a Consellería e algunhas Organizacións sindicais entenden a calidade educativa. Grazas, Rafa.

2007-05-02T21:30:00.000+02:00

Indignación

O envio masivo de emails por parte da Consellería ao profesorado de Primaria está provocando o efecto contrario ao pretendido: compañeiros que dubidaban se ir ou non á folga xa o teñen decidido. Mañá estarán en Santigo ás 11,30 na Praza do Toural.
Hoxe unha das webs máis visitadas foi o foro do Steg (o único foro público sen moderador no que os mestres nos podemos expresar libremente). A ver se os demáis sindicatos seguen o exemplo en canto ao foro, non sobre a súa inexplicable decisión sobre a folga, sobre todo se temos en conta as declaracións de Concha Fernández, membro do Secretariado Nacional.

2007-04-28T21:19:00.000+02:00

Letras Galegas 2007

Como o Día das Letras se aproxima, como todos os anos preséntovos algún recurso que fixen co que poder traballar a esta descoñecida poetisa que homenaxeamos este ano: María Mariño Carou:

O traballo na época de María Mariño:WebQuest feita co PHPWebquest para traballar como era a realidade económica galega na primeira metade do século XX. Está pensada para alumnos de Primaria.

Fórmula 20: Aplicación feita co programa Fórmula20 de Fran Macías fixen na que dous alumnos compiten para ver quen é quen de acertar antes 20 preguntas . Propoño dous temas: O significado do Día das Letras Galegas e a Vida e Obra de María Mariño Carou. Este recurso atópase dende o mes de outubro pasado en Edugaliza.

2007-04-19T21:30:00.000+02:00

Folga

O próximo xoves 3 de maio os mestres de Infantil e Primaria estamos convocados a ir á folga en defensa da xornada continuada matinal de xuño e setembro. A lóxica pedagóxica da reivindicación non a dubida ninguén (sobre todo nos centros de xornada partida) e a suposta conciliación da vida familiar e laboral coa medida é moi discutible. Vémonos no Toural en Santiago ás 11,30.

2007-03-27T23:22:00.000+02:00

DE-MA-GÓ-XI-CA

A Consellería de Educación sorpréndenos día a día con decisións do máis demagóxicas:

Mandan unha manchea de ordenadores aos centros que logo non funcionan esquecéndose do fundamental: unha formación en condicións e da figura do orientador tecnolóxico tanto tempo demandada e que sí posúen outras Comunidades.
Organizan multitude de premios e convocatorias de xeito totalmente propagandístico: hai que vender a moto diante dos compañeiros nos claustros e logo diante dos pais no Consello Escolar para moi poucas prazas.. No caso dos premios é mais sangrante pois incrementan convocatoria a convocatoria o seu número para logo deixar gran cantidade desertos (pero eso xa non se dí).
Fan unha convocatoria desmesurada de prazas nas vindeiras Oposicións hipotecando o futuro de moitos compañeiros contratados ou interinos que dependen dunha proba que todos sabemos a gran cantidade de variables das que depende, e non todas son obxectivas.
Agora somos os culpables de que non exista conciliación na vida familiar dos galegos pola redución dunha hora no período de adaptación de xuño e setembro. A medida é avalada por aqueles que conciben a escola como almacén 24 horas e así nos vai. É máis doado que os nenos permanezan máis tempo nos colexios que loitar coa patronal e tomar medidas de máis calado para que os pais que traballen poidan estar máis tempo cos seus fillos.

2007-03-16T00:39:00.000+01:00

PDF-ShellTools

Nos últimos tempos o PDF convertiuse no standard dos formatos para gardar e mandar os nosos arquivos de texto. Acabo de traducir ao galego un programa que engade funcionalidades extra aos documentos en PDF directamente dende o contorno de windows:

PDF-ShellTools beta 1.0 build 8

Esta aplicación componse de tres pequenas utilidades que amplian a funcionalidad da contorna de Windows para operar con algunhas particularidades dos documentos PDF. Estas pequenas utilidades son PDF-InfoTip, PDF-InfoEdit e PDF-Anonymizer.

PDF-InfoTip amosa a información de arquivos pdf en fiestras tipo ''tooltips'' (os carteis amarelos que emerxen sobre un arquivo) no Explorador de Windows, nos diálogos de abrir/gardar, no Escritorio e nalgunhas outras fiestras de Windows.

PDF-InfoEdit é unha extensión de contorna da folla de propiedades de arquivo para unha rápida edición e consulta dos campos de información para documentos pdf.

PDF-Anonymizer é unha extensión de contorna para o menú contextual que serve para quitar toda a información de meta-datos que teñen os documentos pdf.

2007-03-08T18:25:00.000+01:00

Día da muller

Hoxe é 8 de marzo: Día Internacional da muller traballadora. O camiño é máis lento do que quixeramos pero non ten volta a trás. Adiante e ánimos a todas!.
Algúns sitios imprescindibles para visitar neste día son: A web de Norberto , Vieiros ou Vieiros da escola .

2007-03-07T21:09:00.000+01:00

I Premio Espiral de Edublogs

Os de Espiral lanzaron o I Premio Espiral de Edublogs que pretende, entre outras cousas:

Valorar a importancia dos blogues na educación, como ferramenta didáctica para o desenvolvemento de contidos curriculares.

Recoñecer o traballo de moitos profesores e profesoras na rede demostrando a súa utilidade pedagóxica.

Servir de escaparate motivador dunha corriente educativa dentro da blogosfera, que axuda á xeneralización do uso das TIC na aula.

Favorecer canles de opinión e debate sobre a necesidade de avanzar no uso dos blogues no contorno educativo.

Nel teñen cabida blogs educativos en diversas linguas entre elas o galego.

Para máis información: I Premio Espiral de Edublogs.

(Grazas a Sekeirox pola nova)

Eu xa me anotei, a que esperades???.

2007-02-13T01:33:00.000+01:00

Atnag

O verán pasado rematei de traducir Atnag ao galego. A laboura durou dous anos (con bastantes lagoas no medio) e recentemente comprobei que xa está colgado na web oficial do programa.
Atnag é un programa de autor. Unha ferramenta que funciona baixo Linux e permite crear diferentes tipos de actividades (Axeitado e recomendábel para alumnos e alumnas de Infantil e o Primeiro Ciclo de Primaria), entre as que cabe destacar:

Esponxa: Para deseñar unha actividade coa que acadar destreza no manexo do rato, borrando ou cubrindo un debuxo.

Clic: Para seguir mellorando a destreza co rato sobre un elemento, xa sexa desprazándoo ou facendo clic co botón esquerdo.

Memoria: Para atopar figuras idénticas abríndoas de dúas en dúas.

Memoria 2: Asociando as cartas con un son ou texto (Moi interesante na aprendizaxe doutras linguas).

Intruso: Atopar entre doce elementos aquel que non é igual aos demáis.

Dominó: Permite deseñar un xogo no que o alumno ten que completar ou construir as dúas caras dun conxunto de dominó.

Número (Cantidade): O alumno terá que contar o número de elementos da pantalla.

Número (Relación): O alumno ten que atopar os valores de todas as caras do dominó que corresponden co valor que indica o dado, tirado ao chou.

Caída (Letras-Números): O alumno terá que impedir que as letras, sílabas, palabras ou números que descendan toquen o chan, premendo antes a letra, sílaba, palabra ou número no teclado.

Xeoformas: O alumno terá que construir e colorear un debuxo dado con figuras xeométricas (círculos, cadrados, triángulos), segundo o modelo proposto.

Formas e cor: Atopar a través dunha serie de debuxos construidos por formas xeométricas -divididas en catro partes e coloreada cada zona- unha forma concreta segundo as cores que a constitúen.

Labirinto: O alumno terá que moverse utilizando as frechas de dirección no labirinto. Hai varias opcións para este xogo.

A oca: O alumno terá que moverse no taboleiro do xogo da Oca, segundo o número de casiñas determinado por unha tirada aleatoria.

Seleccionar (Tamaño): Para atopar nun conxunto de elementos o obxecto concreto segundo a orde dada.

Clasificar (Tamaño): O alumno ten que clasificar un conxunto de elementos segundo a orde dada.

Test: O alumno deberá escoller unha resposta entre varias, para cada unha das preguntas propostas.

Letras e números: Consiste en facer desfilar unha serie de fotos, premendo a primeira letra do obxecto representado para poder pasar á seguinte.

Cadro de dobre entrada: O alumno terá que acertar unha serie de asociacións nun cadro de dobre entrada.

Crebacabezas: O alumno deberá construir un crebacabezas. Diferentes posibilidades como asociar sons, ordenar secuencias,...

Colorear 1: Colorear libremente ou segundo a orde dada.

Colorear 2: Con etiquetas, reproducir un debuxo de modelo, ordenar frases,...

Relacionar 1: Para establecer relacións segundo diferentes criterios: círculo-óvalo, cor, dentro-fóra.

Relacionar 2: Relacións segundo varios criterios: Valores.

Lectura: Permite a clasificación dos nomes das imaxes por letras, sílabas, fonemas, asociación, ortografía, plurais.

Bits I: A partires deste motor é posible aplicar na aula o Método de Estimulación Temperá de Glenn Doman. Imaxes e Texto.

Bits II: Bits de Intelixencia e Contos.

Bits III: Contos con texto.

Bits IV: Aprendizaxe de conceptos matemáticos de cantidade e Resta de Cantidades.

Bits V: Suma ou Resta.

A Coordinadora de este proxecto en español é María Dolores Almansa (Proxecto Cor-Edux). Eu realicei a traducción ao galego.

2007-01-30T22:38:00.000+01:00

Día da Paz

Hoxe foi o día de Solta de Pombas Universal, soltáronse millóns de globos, fixéronse miles de murais, cantos ao ceo,... agardemos que todo este esforzo sirva para algo, que falta fai. Os meus alumnos deixaron os seus desexos no blog no que escriben de cando en vez.

2007-01-28T19:29:00.000+01:00

Disco duro virtual

A rede ofrécenos cada vez máis e mellores recursos para o traballo docente. Das últimas novidades (que circula pola rede xa dende hai máis de 2 anos pero con algunha eiva xa arranxada), unha das aplicacións gratuitas con máis posibilidades é o Gmail Drive que nos permite usar o espazo que nos da unha conta de correo de GMail (casi 3 Gb) coma se fose un disco duro virtual desde o noso PC.

O procedemento é ben sinxelo: abrir unha conta de Gmail (se algún non sabe como, podo mandarlle unha invitación), instalar o programa Gmail Drive, ir a Mi PC e ver o disco duro virtual creado, e por último abrilo e poñer o nome da conta de correo e o contrasinal.

Unha posibilidade moi útil para coordinar e compartir arquivos entre os membros dun Seminario Permanente, Grupo de Traballo ou simplemente para ter a man os nosos arquivos independentemente de se estamos utilizando o ordenador do Centro de Traballo ou na Casa, sen ter que levar os tan perdidizos Pendrives.

2007-01-08T18:26:00.000+01:00

Mil grazas

Hai menos dun mes que daba a coñecer a aplicación "Etnonet 2.0 - Enciclopedia Interactiva da Cultura Galega" en Edugaliza, e son moitos xa os correos recibidos interesados polo proxecto e xornais e colectivos que se fixeron eco da nova ( Vieiros, Código Cero , Chuza, Galicia Confidencial, Boedense, Ciberirmandade da Fala, A Web de Norberto, A Peneira, Diario de Arousa, ...). Mil grazas a todos.

2007-01-06T13:47:00.000+01:00

Día de Reis

De momento non temos unha boneca que fale galego pero si moitos xogos gratuitos que ocupan pouco e sí están en galego. Non son programas recentes e hai moitos máis pero para quen queira xogar en galego ahí van:

Dam 2.2 (un sensacional e completo xogo de Damas 10 X 10 que nada ten que envexar a outras opcións comerciais).
PacWorld (o típico comecocos con diferentes niveis).
PhotoInvaders (para xogar aos marcianiños totalmente configurable).
Crazy Minesweeper (máis ca un buscaminas. É Shareware).
Aba Daba (Para xogar ao "Cinco en liña" con moitas posibilidades).
Tetris (o popular Tetris pero un pouco cutre pois non marca as puntuacións).
Labirinto (para resolver labirintos usando as frechas do teclado).
Glest (Videoxogo de calidade con sensacionais gráficos en 3D e con moi poucos recursos feito por un grupo de mozos galegos).
SimpleSudoku (o divertimento matemático de moda con diferentes niveis de dificultade e posibilidades de xogo).

E moitos máis. A disfrutar, que non todo son bonecas faladoras...

2006-12-12T00:50:00.000+01:00

Etnonet 2.0

Acabo de publicar en Edugaliza o último traballo que fixen co Hot Potatoes, Chámase Etnonet 2.0 - Enciclopedia Interactiva da Cultura Galega: un programa en contorno web mediante páxinas htm e html que ten como obxectivo fundamental que os nosos alumnos e alumnas descubran a gran diversidade cultural da Comunidade Autónoma na que viven: Galicia. A aplicación consta de 120 propostas sobre a cultura de Galicia: Os símbolos identificativos de Galicia, as institucións, a gastronomía, flora e fauna, historia, literatura, música, novas iniciativas e tendencias,...
Presenteina dous anos seguidos aos premios de Innovación (antes Siega) con nulo éxito así que xa ven sendo hora de publicitala por medios alternativos aos oficiais. Se a alguén lle resulta de utilidade que a utilice libremente.

2006-12-09T20:07:00.000+01:00

Outra ferramenta

A rede ofrécenos cada vez máis e mellores ferramentas para facilitar a nosa laboura educativa. Hoxe vou a sinalar dúas:

vdownloader: un programiña que non fai falla nin instalar e nos permite gardar os videos do YouTube, Google, Dailymotion ou Grinvi en formato AVI ou MPEG.
Slideshare: Páxina similar ao Youtube para as presentacións. As posibilidades educativas son infinitas. Xa non temos que cargar o powerpoint no ordenador e podemos velo directamente dende a rede. Podemos incluso atopalas en galego.

2006-10-21T20:28:00.000+02:00

300 programas !!!

No día de hoxe o Freeware World Team, o banco de programas gratuitos en galego, chegou aos 300 programas e aplicacións. Non é que o número en sí signifique gran cousa pero estamos nunha cantidade o suficientemente importante como para ter en conta. É certo que moitos deles non son de código aberto e para os puristas o freeware propietario non conta, pero para os que non sabemos programar e movémonos neste mundo como simples usuarios, é unha nova importante.

2006-10-14T17:12:00.000+02:00

Internet como recurso na área de Lingua Galega

Este luns 16 de outubro, organizado polo Cefore de Pontevedra, comeza o cursiño de 25 horas que leva por título "Internet como recurso na área de Lingua Galega". En tan só oito días vaise facer un percorrido polo microuniverso da informática en Galicia, cos autores de experiencias tan significativas como son: Edugaliza, o Portal de Contidos da Consellería de Educación, Ardora, Galicia Encantada, Vieiros da Escola, o mundo das WebQuests,... De seguro que quedan cousas atrás -aproveitables para outras edicións se o cursiño ten boa acollida- pero estou convencido de que se non todas, sí moitas das iniciativas aquí presentadas serán de interese para os docentes preocupados polas TICs.

2006-09-21T21:12:00.000+02:00

Manual sinxelo de reforestación por sementeira

Agora que estamos de volta no colexio cos nenos é o momento de traballar o sucedido en Galicia durante o verán. Non só deberíamos analizar as causas que provocaron a desfeita dos nosos montes senón tamén que facer agora. A Oficina de Medio Ambiente da Universidade de Vigo eleaborou un Manual sinxelo de reforestación por sementeira de utilidade non só para rapaces senón tamén para adultos. É moi sinxelo pero tamén completo a pesares da súa reducida estensión: 15 páxinas!!!. Podedes descargalo aquí.

2006-09-09T15:12:00.000+02:00

Novo Monográfico de reNOVA GALIza

O Foro Cívico Galego de Barcelona presentará este luns 11 de setembro o monográfico do número 2 da revista reNOVA GALIza que leva por título: A Galiza global: as galegas e os galegos no mundo (I). Entre as máis de 200 páxinas de que consta a publicación hai un artigo da xornalista e escritora de Bos Aires Débora Campos na que fai unha profunda análise da emerxencia do fenómeno das blogs coma unha nova canle de comunicación entre os galegos e galegas de dentro e fóra da Galiza, na que lle adica un espazo a falar desta blog "Ensino en galego". Grazas polo artigo e a mención.

A revista pódese baixar completa en pdf dende aquí. O fragmento co artigo de Débora Campos (páxinas 99 á 106) dende estoutra ligazón.

2006-05-30T11:30:00.000+02:00

Plan anual de formación do profesorado 2006-2007

Xa saiu no Portal educativo da Xunta o Plan anual de formación do profesorado 2006-2007 sen grandes cambios con respecto a edicións anteriores. No Platega hai 23 cursiños -agardemos que con maior número de prazas que o ano pasado onde moito profesorado quedamos fóra-. Como nota salientábel o novo sistema de busca de cursiños por especialidade que mellora o arquivo pdf que se podía descargar en edicións anteriores.

2006-05-22T01:06:00.000+02:00

III Resaka das Letras en Pontevedra

Pontevedra é punteira en moitas cousas, máis na atención ás Novas Tecnoloxías, TICs, Blogs,... está un pouco rezagada. Na Facultade de Ciencias Sociais e da Comunicación do campus de Pontevedra están argallando a III Resaka das Letras, consistente nunha xornada de conferencias por parte de expertos nas webs o martes 23 ás 16:15, en plena resaca da semana das Letras, na aula 7 da Facultade abriranse novas portas á comunicación en galego.
Podedes consultar o interesante programa na web de Vieiros.

2006-05-21T17:26:00.000+02:00

Sae un novo número de Saudiña

E xa van 12. Esta semana chegou aos nosos centros un novo número da revista Saudiña que editan conxuntamente as Consellerías de Educación, Sanidade, Indústria e Medio Ambiente sobre os contidos transversais. A partires de agora comprométense a editar puntualmente dous números anuais (ate o de agora a periodicidade era incerta). Aparecen nesta ocasión tres novas sección: Xogos tradicionais, Música para querernos e Museos de Galicia. Hai artigos moi interesantes sobre a educación de nenos de etnia xitana, medidas de actuación ante o alumnado inmigrante, bullyng na escola,.... Tamén incluiron un artigo que escribira o curso pasado sobre a utilización de blogs na escola en primaria (páxinas 40 e 41).
Só lle faría unha suxestión aos responsables da edición: Que lle cambien a portada dunha vez por todas á revista xa que sempre parece a mesma.

2006-05-16T19:27:00.000+02:00

Lim 2.0

Para celebrar o Día das Letras Fran Macías fainos un bonito agasallo: a nova versión de LIM (o Lim 2.0) que como principais novidades ofrece:

Unha mellora e ampliación das páxinas que xa existían na versión anterior.
Novas páxinas: reloxo, operacións matemáticas, escoller entre varias imaxes/textos e panel ( páxina para presentar información nos encerados dixitais interactivos).

2006-05-13T14:44:00.000+02:00

Regresa "Vieiros da Escola"

Cando xa parecía que o proxecto morrera, vemos como Vieiros da Escola renace das súas cinzas agora xestionado pola Nova Escola Galega. Parabéns a Luis e Ester pola anterior etapa que aínda se pode consultar no portal. Nesta ocasión está adicado ao 17 de maio. Agardemos a que non sexa unha excusa para non facer o tan agardado Especial do Día das Letras co que nos agasallan puntualmente cada ano dende o 96.

2006-04-29T15:29:00.000+02:00

Chuza e Docencia

Unha das últimas revolucións no mundo internauta foi o portal meneame.net , desenvolto por Ricardo Galli (baseado á súa vez en Digg y Reddit pero mellorado, ampliado e modificado) , onde unha serie de usuarios -rexistrados ou non- seleccionan novas diarias pasando as mesmas á páxina principal segundo o nivel de votos acadado e a importancia deses votos en función do peso que teñan quen a votaron segundo o seu grado de participación e compromiso no proxecto.
Aproveitando o código fonte desta ferramenta están desenvolvéndose con gran éxito dúas iniciativas moi relacionadas con esta blog:

Chuza ( http://chuza.org ): O meneame galego con 196 usuarios rexistrados e un grande volume de actividade. Ideal para ese 14% de usuarios de xornais que prefiren a versión dixital á versión en papel.
Docencia ( http://www.docencia.es ): Co mesmo funcionamento que as anteriores pero centrado no mundo educativo. Está en castelán. A ver cando alguén se anima en facer un Docencia na nosa lingua.

2006-04-22T20:08:00.000+02:00

Unha suxestión

E agora que chega o bo tempo unha suxestión para os que non se conforman con quedar na casa vendo a tele.

2006-04-07T19:47:00.000+02:00

Premios educativos 2005

Hoxe en Santiago, na Consellería de Presidencia, entregáronse os Premios á Innovación Educativa, Innovación Educativa sobre os temas transversais, Enerxías Renovables de Galicia e Premios Siega 2005. Un bo pretexto para reatoparnos con caras amigas ou polo menos coñecidas. Durante o transcurso do acto, a Conselleira anunciou a vindeira convocatoria onde se producirá unha redefinición dos premios pasando os Siega a englobarse nunha categoría espacial dentro dos de innovación. O que si parece segura é a desaparición dos premios ás webs dos centros.
Podes consultar os distintos premios aquí.
Enviarase un DVD a cada colexio coa totalidade dos traballos premiados.

2006-04-06T23:30:00.000+02:00

Constituida a Asociación PuntoGal

Como conta a nova web de Galego21 (o auténtico Galego21, o de toda a vida, onde están alonxados os paquetes clic dentro do lapisdecores), acábase de contituir en Santiago a promotora da Asociación PuntoGal, que ten como obxectivo a consecución do dominio .gal como espazo propio na internet para a cultura e a lingua do país. Diversas organizacións do País avalarán a candidatura diante da Internet Corporation for Assigned Names and Numbers (ICANN), organismo internacional que se encarga de autorizar e de recoñecer os dominios. Adiante coa iniciativa!.

2006-04-05T17:01:00.000+02:00

EnBlogs'06

O Consello da Cultura Galega (CCG) celebrará o 19 de abril EnBlogs'06: Encontro de blogs de Galicia e Portugal. Con esta convocatoria, o CCG quere abrir as súas portas ao debate, a reflexión e o intercambio entre os membros da comunidade blogueira galega e portuguesa e a todos os interesados nos novos fenómenos de comunicación en Internet . O encontro quere reflexionar sobre os grandes e pequenos temas que rodean a creación de bitácoras: a tecnoloxía, o marco legal, os cambios sociais, as experiencias persoais e colectivas de creación, difusión e distribución de información e ideas a través deste formato.

A incripción é gratuita. Tan só hai que cubrir un sinxelo formulario. O programa da xornada é do máis completo: Novidades tecnolóxicas asociadas a esta ferramenta, o crecemento expoñencial, marco legal, sindicación de contidos e o máis selecto do panorama blogueiro galego: Aduaneiros, Todonada, Ascárida, Dorfun, ...

2006-03-29T17:24:00.000+02:00

Proximamente: Lim 2.0

Hai dous meses Fran Macías presentaba mundialmente o programa Lim e o editor Edilim para facer aplicacións educativas en formato flash. O éxito superou tódalas previsións e grazas ás numerosas aportacións de usuarios proximamente sairá a versión 2.0. Se tedes algunha suxestión apurade a mandarlla canto antes .

2006-03-06T21:10:00.000+01:00

Teses doctorais en rede

No ano 1999 o Centro de Supercomputación de Cataluña decidiu realizar un Almacén virtual de teses catalanas, proxecto que co tempo foi ampliándose a un total de 14 Universidades , e reunindo na actualidade máis de 3000 teses doctorais dos máis diversos temas. O acceso ás mesmas é libre e gratuito, preservando a propiedade intelectual.

Mágoa que as Universidades Galegas non fagan algo semellante (que eu saiba).

2006-02-05T17:30:00.000+01:00

Fórmula 20

Hai uns días falaba do LIM de Fran Macías. Sen embargo non é o único proxecto no que anda metido Fran. Interesante tamén é o Fórmula 20: no que dous participantes compiten para chegar á meta acertando un total de 20 preguntas. Se erras algunha delas, daslle a quenda ao outro participante.
É configurable mediante un arquivo cos textos.

2006-01-29T19:47:00.000+01:00

30 de xaneiro

Cos meus mellores desexos: que teñades un feliz e festivo Día da Paz. E para os que aínda estedes buscando algún recurso para a aula para esta semana que empeza, podedes visitar a magnífica páxina de Norberto con múltiples recursos para este e outros Días.

2006-01-29T17:36:00.000+01:00

Efelcren

A Área de E-Learning do CESGA está presentando o Efelcren (Entornos educativos flexibles e creativos):

Efelcren é un proxecto educativo financiado pola Comisión Europea no marco do programa Sócrates-Comenius 2.1. Esta iniciativa ten unha duración aproximada de 36 meses e está coordinada pola Universidade de Santiago de Compostela.

O proxecto abordará a análise e desenvolvemento dun espacio de traballo colaborativo para a creación e a validación de materiais didácticos, que serán empregados en espacios de formación on-line de Educación Primaria e Secundaria. Para logralo, a iniciativa contará coa participación non só de profesores, senón tamén de investigadores en didáctica e novas tecnoloxías, técnicos TIC e estudiantes europeos, que permitirán establecer, baixo criterios didácticos comúns, as mellores estratexias para a aprendizaxe electrónica.

Os materiais didácticos elaborados poñeranse á disposición da comunidade educativa a través dun repositorios de obxectos de aprendizaxe online en diferentes idiomas. Todo isto ca fin de que calquera profesor, en calquera lugar de Europa, poida aplicar os mesmos métodos e adaptalos ás súas propias necesidades, redundando así na mellora do proceso educativo.

2006-01-26T12:49:00.000+01:00

Chega o LIM

O mestre e informático Fran Macías está presentando -despois dun ano de retoques- o LIM: Libros Interactivos Multimedia que presenta múltiples posibilidades no eido educativo con actividades de resposta múltiple, quebracabezas, sopas de letras, atopar parellas, Raios X, clasificar textos ou imaxes,... e o mellor de todo: facilmente configurable co editor Edilim e o resultado en formato flash.

2006-01-16T13:39:00.000+01:00

Nova edición do Xornal Educativo

Dende setembro de 2003 é a quinta edición do Xornal Educativo dixital da Consellería de Educación. Nesta ocasión recóllense traballos desenvolvidos por mestres e alumnos sobre: o entroido, os maios, contos e lendas da Terra, persoeiros coma Lugrís Freire, o Foucellas ou Maruxa Mallo,... Un interesante recurso para consultar cos nosos alumnos.

2006-01-12T11:16:00.000+01:00

Siega 2005

Xa saeu a resolución dos Premios Siega 2005. Vese como a calidade dos traballos premiados aumenta ano a ano, o que non me pareceu de recibo é que a metade dos premios fosen declarados desertos. Algo similar xa sucedera cos premios de Innovación Educativa. Non creo que fose problema de calidade dos traballos, máis que nada tacañería dos novos mandamais, que se contradí co mantemento de certos proxectos do anterior goberno de dubidosa eficacia.

2005-12-18T12:33:00.000+01:00

Lapisdecores

Galego21.org por motivos de dominio tivo que emigrar a galego21.net e dende aí podemos descargar tódolos paquetes clic que temos en galego dentro do proxecto lapisdecores. Nas últimas semanas estaba producíndose algo de desconcerto pois os mestres non sabían onde atopar o recurso máis empregado -sen ningún xénero de dúbidas- nas aulas de informática do noso País.

2005-12-09T21:53:00.000+01:00

Balance

Máis de 350 persoas asistimos o 5, 6 e 7 deste mes de decembro na EGAP en Santiago aos I Encontros Internacionais de Educación Audiovisual. O balance é inmellorable pero de dificil síntese. Algúns apuntamentos sobre o mesmo serían:

Non fai falla recurrir para estos encontros a especialistas estranxeiros pois dentro do Estado hai estudiosos máis preparados e amenos

É preciso incluir na LOE estudos sobre alfabetización audiovisual.

A manipulación e menosprezo polo espectador das televisións está acadando tintes delictivos.

A televisión dixital é unha incógnita mesmo para os profesionais dos medios.

Televisión educativa é un termo imposible pois son verbas contradictorias.

O perigosidade dos nenos chave (aqueles que chando chegan á casa non teñen a ninguén no fogar) tan frecuentes nas nosas vilas.

Agardamos con ansiedade os II Encontros.

2005-11-24T00:33:00.000+01:00

I Encontro Internacional sobre Educación Audiovisual

O Consorcio Audiovisual de Galicia está a organizar o I Encontro Internacional sobre Educación Audiovisual que terá lugar os días 5, 6 e 7 de decembro na sede da EGAP en Santiago de Compostela. Ten moi boa pinta a pesares do maratoniano das tres xornadas en plena Semana Fantástica.
O prazo de matrícula (gratuita) é ata o venres 25 deste mes.

2005-11-24T00:27:00.000+01:00

Premios Innovación Educativa 2005

No Portal Educativo da Xunta están saíndo nos últimos días o resultado das convocatorias dos Premios de Innovación Educativa e Innovación educativa sobre os temas transversais. Noraboa aos premiados e a tódolos participantes!.

2005-11-22T20:21:00.000+01:00

Apertium

O Seminario de Lingüística Informática da Universidade de Vigo acaba de poñer en marcha o primeiro tradutor automático galego-castelán-galego de carácter gratuíto. A través deste servizo de nome Apertium pódense:

Obter traducións automáticas de documentos (txt, .rtf ou .html) sen límite de caracteres,

Traducir automaticamente o texto escrito na pantalla, ou mesmo

Navegar "en tempo real" pola web en galego sobre webs en castelán ou en castelán sobre webs castelás.

2005-11-21T19:41:00.000+01:00

Ardora

José Manuel Bouzán do Colexio de Palmeira acaba de realizar unha sensacional aplicación en formato html mediante applets de java para poder ver directamente co noso navegador. É totalmente gratuita con fins estrictamente educativos. O seu nome é Ardora e con ela pódense crear máis de 20 tipos distintos de actividades: encrucillados, sopas de letras, completar, paneis gráficos, reloxos, etc.
Se queres ver algún exemplo, dende a web do cole de Palmeira mira as actividades do Rato Paco.

2005-11-01T23:31:00.000+01:00

Magosto

Como tódolos anos chega o magosto e temos que buscar materiais para traballar na aula. Sinto non ter nada novo que ofrecer, polo tanto máis do mesmo...

A unidade didáctica sobre o magosto de Edugaliza (aínda que se buscamos magosto en Google aparécenos como primeira ligazón).

Un conto colectivo que fixeron os meus alumnos de 2º de Primaria na clase.

O magnífico deseño dos Aduaneiros do Castanhinho.